Lengjudeildin: Breki Þór fór hamförum í sigri Vestra

Vestri fékk Völsung í heimsókn í Lengjudeildinni í dag. Vestri gat unnið annan leik sinn í röð á meðan Völsungur gat unnið sinn fyrsta sigur.

Vestri náði forystunni þegar Johannes Selvén eftir sendingu frá Breka Þór Hermannssyni en markið kom eftir mikinn vandræðagang í vörn Völsungs.

Elfar Árni Aðalsteinsson jafnaði metin fyrir Völsung eftir fyrirgjöf frá Arnari Pálma Kristjánssyni.

Staðan var jöfn í hálfleik en Vestri og Breki Þór fóru hamförum í seinni hálfleik. Breki kom Vestra yfir þegar hann skoraði með skalla eftir fyrirgjöf frá Emmanuel Duah.

Gunnar Jónas Hauksson skoraði síðan tvö mörk fyrir Vestra á tveggja mínútna kafla en Breki lagði upp bæði mörkin. Hann var því kominn með mark og þrjár stoðsendingar.

Gunnar Jónas var nálægt því að skora þrennuna þegar hann átti skot fyrir utan teiginn en Jochum Magnússon varði boltann út í teiginn. Þangað mætti Þórður Gunnar Hafþórsson og innsiglaði sigur Vestra.

Vestri er í 5. sæti með 13 stig en Völsungur er á botninum með tvö stig.