Alfons og Jói pössuðu að lukkukrökkunum yrði ekki of kalt

Það er um tíu gráðuhiti í Reykjavík í kvöld þar sem Ísland og Svartfjallaland spila þessa stundina á Laugardalsvelli.

Það er svo sem enginn rosalegur kuldi, en það er sæmilega vindasamt, kaldur blástur á þessu septemberkvöldi.

Þegar þjóðsöngvar þjóðanna voru spilaðir fyrir leik þá voru leikmenn Íslands í upphitunargöllunum sínum, en þó ekki allir.