Cristiano Ronaldo (36) gæti yfirgefið Manchester United næsta sumar ef hann er ekki sáttur við val félagsins á stjóra til frambúðar. (Star)

Manchester United hefur boðið Paul Pogba (28) stóran nýjan samning að verðmæti 400 þúsund pund á viku. Félagið vill koma í veg fyrir að franski miðjumaðurinn fari á frjálsri sölu eftir tímabilið. (Sun)

Newcastle hefur hafnað tilboði frá Evrton í Sean Longstaff (24) en samningur hans við félagið rennur út eftir tímabilið. Newcastle vonast til þess að skrifa undir nýjan samning við enska miðjumanninn. (Shields Gazzette)

Newcastle hefur áhuga á franska varnarmanninum Issa Diop (24) hjá West Ham og undirbýr 10 milljóna punda fyrsta tilboð. (L'Equipe)

Tvö úrvalsdeildarfélög eru með í baráttunni um að fá Philippe Coutinho (29) frá Barcelona. (Sky Sports)

Barcelona telur sig hafa fundið leið til að eiga möguleika á því að kaupa Erling Haaland (21), sóknarmann Borussia Dortmund, næsta sumar. (Guillem Balague)

Mauricio Pochettino, stjóri Paris St-Germain, er til í að taka hvaða tilboði sem er til að verða stjóri Manchester United. (Sun)

Chelsea er ekki tilbúið að borga þann pening sem er nauðsynlegur til að kaupa Saul Niguez (27) alfarið frá Atletico Madrid. Hann er hjá Chelsea á lánssamningi. (Express)

Manchester United er ólíklegt til að kaupa leikmann í þessum mánuði en mun reyna við miðjumann í sumar. Declan Rice (22), leikmaður West Ham, er á óskalistanum. (TalkSport)

Arsenal hefur gert tilboð í serbneska sóknarmanninn Dusan Vlahovic (21) hjá Fiorentina. (Ben Jacobs)

Watford hefur gert tilboð í enska miðvörðinn Nathaniel Phillips (24) sem hefur fengið þau skilaboð að hann geti yfirgefið Liverpool í þessum mánuði. (Football Insider)

Leicester City og áhugasöm ensk úrvalsdeildarfélög þurfa að borga 33 milljónir punda til að kaupa Charles de Ketelaere (20), sóknarmann Club Brugge. (Voetbal Nieuws)

Barcelona íhugar að gera lánstilboð í Anthony Martial (26) hjá Manchester United, með það í huga að kaupa franska landsliðsmanninn eftir tímabilið. (Sport)

Newcastle hefur einnig áhuga á að fá Martial lánaðan, til að fylla skarð Callum Wilson sem er meiddur. (Times )

Barcelona hefur áhuga á danska varnarmanninum Andreas Christensen (25) hjá Chelsea. (Mundo Deportivo)

Everton og Newcastle hafa blandað sér í baráttu við Arsenal um brasilíska miðjumanninn Bruno Guimaraes (24) frá Lyon. (Standard)

Michail Antonio (31) hefur skrifað undir nýjan samning við West Ham til 2025. (90 Min)

Greuther Furth í Þýskalandi hefur ekki efni á að losa markvörðinn Loris Karius (28) frá Liverpool. (Fussball Transfers)