| fös 07. febrúar 2014 21:02 |
|
Heimild: Heimasíða HK
Fótbolta.net mótið: Selfoss vann HK í úrslitaleiknum
Andrew Pew fyrirliði Selfoss hampar sigurlaununum í leikslok.
Selfoss, B-deildar meistarar í Fótbolta.net mótinu 2014.
0-1 Magnús Ingi Einarsson ('35)
0-2 Sindri Rúnarsson ('81)
1. deildarliðin HK og Selfoss áttust við í úrslitaleik B-deildar Fótbolta.net mótsins í Kórnum í kvöld.
Viktor Unnar Illugason átti skot yfir mark Selfoss snemma leiks en annars var fyrri hálfleikur tíðindalítill.
Selfoss náði þó forystunni á 35. mínútu þegar Magnús Ingi Einarsson skoraði úr þröngu færi. Selfoss með eins marks forystu í hálfleik.
HK hefði getað jafnað metin í seinni hálfleik þegar liðið fékk vítaspyrnu. Viktor Unnar fór á punktinn en Bergsteinn Magnússon, tvítugur markvörður Selfyssinga, varði spyrnu hans.
Varamaðurinn Sindri Rúnarsson innsiglaði svo sigur Selfoss á 81. mínútu þegar hann skoraði með skalla og liðið vann því B-deild Fótbolta.net mótsins.
Magnús Valur Böðvarsson afhendir Pew verðlaunin eftir leik.
Árni Leó liðsstjóri Selfoss var glaður með gullið í leikslok.
Athugasemdir
Nýjustu fréttirnar
10:15
17:45
11:00
