England: Markalaust í öðrum leik dagsins

Knattspyrnuáhugamenn fengu því miður engin mörk í öðrum leik dagsins á Englandi sem fór fram í Wolverhampton í dag.

Wolves spilaði þar við Leicester City í fínum fótboltaleik þar sem þrjú stig hefðu gert mikið fyrir bæði lið.

Leikurinn var heilt yfir ágætlega fjörugur en bæði lið voru þó í smá basli með að skapa sér alvöru tækifæri.

Jamie Vardy er helsta vopn Leicester í sókninni en hann hóf leikinn á bekknum og kom við sögu í seinni hálfleik.

Markalaust jafntefli var niðurstaðan á Molineaux vellinum sem eru svekkjandi úrslit fyrir liðin.

Leicester mistókst að komast í annað sæti deildarinnar og situr Wolves enn í því fjórtánda eftir 22 leiki.