Lengjudeildin: Fram hafði betur í Ólafsvík

Fram er búið að jafna ÍBV á stigum á toppi Lengjudeildarinnar þar sem bæði lið eru með fullt hús stiga eftir fjórar umferðir.

Fram heimsótti Víking til Ólafsvíkur í dag og leiddi með tveimur mörkum í hálfleik.

Alexander Már Þorláksson og Fred Saraiva skoruðu mörk Framara.

Gonzalo Zamorano minnkaði muninn fyrir heimamenn í síðari hálfleik en meira var ekki skorað.

Víkingur er með þrjú stig eftir fjórar fyrstu umferðirnar.

Það getur tekið tíma fyrir stöðutöfluna að uppfæra sig.