Emerson var allan tímann viss um að vilja skipta yfir til Milan og gaf munnlegt samþykki fyrir samnningstilboði frá félaginu í byrjun sumars.

Milan hóf þá kaupviðræður við Tottenham en þær sigldu í strand í kringum 15 milljónir evra, þar sem Tottenham vildi fá rúmlega 20 milljónir fyrir.

Tottenham reyndi að selja Emerson á hærra verði annað en það gekk ekki og ætlar félagið því að samþykkja kauptilboð frá Milan, sem hljóðar upp á rúmlega 15 milljónir.

Emerson er 25 ára gamall og kom við sögu í 101 leik á þremur árum hjá Tottenham.