Almannavarnir mælast enn til þess að öllu íþróttastarfi á höfuðborgarsvæðinu verði slegið á frest næstu tvær vikurnar þrátt fyrir að reglugerð sem birt var í gærkvöldi heimili íþróttastarf utandyra.

Þetta segir Þórólfur Guðnason, sóttvarnalæknir, í samtali við Vísi.

Þrátt fyrir reglugerðina mælast sóttvarnalæknir og almannavarnir til þess að íþróttastarf á höfuðborgarsvæðinu verði raunverulega stoppað næstu tvær vikurnar.

„Ég held að það sé mjög mikilvægt að það sé þannig til þess að gera það sem við getum til þess að stoppa þetta," segir Þórólfur.

Gagnrýnt var á þingpöllum í dag að fótboltinn hafi fengið undanþágu frá þeim hertu aðgerðum sem tekið hafa gildi. Hanna Katrín Friðriksson, þingflokksformaður Viðreisnar, segir heilbrigðisyfirvöld verða hafa reglu á hlutunum en ekki hlaupa á eftir þeim sem hæst hafa.

Þetta kemur fram í frétt á RÚV en þar segir að Helga Vala Helgadóttir, þingmaður Samfylkingarinnar, hafi talað á svipuðum nótum og sagði mörg íþróttafélög vera hugsi yfir þeim skilaboðum sem stjórnvöld væru að senda.

STUÐNINGSSVEIT
FÓTBOLTA.NET

Tryggjum framtíð Fótbolta.net

Fótbolti.net er eini stóri fjölmiðillinn á Íslandi sem nýtur ekki ríkisstyrkja.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit