banner
   mið 08. janúar 2020 11:17
Elvar Geir Magnússon
Antalyaspor blandar sér í baráttuna um Ragga Sig
Ragnar Sigurðsson.
Ragnar Sigurðsson.
Mynd: Fótbolti.net - Hafliði Breiðfjörð
Það er mikill áhugi á landsliðsmiðverðinum Ragnari Sigurðssyni en hann hefur tilboð frá FC Kaupmannahöfn í höndunum eins og greint var frá í gær.

Hinn 33 ára gamli Ragnar samdi um starfslok hjá Rostov í Rússlandi á dögunum og hann er nú að skoða næstu skref.

Nokkur félög í Tyrklandi hafa áhuga á Ragnari en búið var að fjalla um áhuga frá tyrknesku úrvalsdeildarliðunum Trabzonspor og Gaziantep.

Tyrkneskir fjölmiðlar greina svo frá því í morgun að Antalyaspor hafi blandað sér í baráttuna um Ragnar.

Antalyaspor er í fallsæti, stigi frá öruggu sæti, og ætlar að styrkja varnarleik sinn í janúarglugganum.


Athugasemdir
banner
banner