Oakley Cannonier, boltastrákurinn sem hjálpaði Liverpool að vinna 4-0 sigur á Barcelona í Meistaradeildinni - eftirminnilega - hefur skrifað undir sinn fyrsta atvinnumannasamning við félagið.
Cannonier, sem er 17 ára sóknarmaður, var hrósað í hástert þegar hann var fljótur að hugsa í 4-0 sigri Liverpool fyrir tveimur árum síðan. Hann kom boltanum snöggt á Trent Alexander-Arnold, sem var einnig fljótur að hugsa.
Alexander-Arnold tók hornspyrnu og Divock Origi kom Liverpool í 3-0. Varnarmenn Barcelona voru alveg sofandi.
Liverpool vann að lokum 4-0 og einvígið 4-3 eftir að hafa tapað útileiknum 3-0.
Cannonier er efnilegur leikmaður og hefur spilað fyrir yngri landslið Englands.
Liverpool vann Meistaradeildina eftir sigurinn á Barcelona; þeir unnu 2-0 sigur á Tottenham í úrslitaleiknum.
Athugasemdir
