Ajax vann Íslendingaslag þegar liðið heimsótti Panathinaikos í fyrri leik liðanna í forkeppni Evrópudeildarinnar í kvöld.
Íslendingarnir gátu þó ekki tekist á í leiknum. Sverrir Ingi Ingason lék allan leikinn fyrir Panathinaikos en Kristian Nökkvi Hlynsson var ónotaður varamaður hjá Ajax.
Steven Berghuis var hetja Ajax sem vann leikinn 1-0.
Andri Fannar Baldursson spilaði klukkutíma en Eggert Aron Guðmundsson var ónotaður varamaður þegar Elfsborg gerði 1-1 jafntefli á útivelli gegn króatíska liðinu Rijeka.
Þá var Andri Lucas Guðjohnsen tekinn af velli undir lok leiksins þegar Gent gerði 2-2 jafntefli gegn Silkeborg á útivelli í forkeeppni Sambandsdeildarinnara. Gent náði forystunni í uppbótatíma en Silkeborg jafnaði metin áður en flautað var til leiksloka.
