Rúnar Már Sigurjónsson kom inn í hálfleik þegar Ísland tapaði 1-2 gegn Tékkum í Doha í dag.
Það var 30 stiga hiti meðan á leik stóð og tvisvar teknar vatnspásur.
Það var 30 stiga hiti meðan á leik stóð og tvisvar teknar vatnspásur.
Lestu um leikinn: Ísland 1 - 2 Tékkland
„Þegar sólin er niðri er þetta allt í lagi. Völlurinn var nokkuð þurr en það venst. Það var gott að fá 45 mínútur og reyna að sýna hvað maður getur," segir Rúnar.
„Tékkarnir stjórnuðu leiknum í fyrri hálfleik og voru betri en við fórum aðeins hærra og lokuðum aðeins á þá. Við fengum slatta af færum en á móti fengu þeir færi. Úrslitin skipta ekki öllu máli. Menn sem hafa fengið færri mínútur fengu tækifæri."
Það er mikil samkeppni um að vera í hópnum og þar er Rúnar í mikilli baráttu um að komast til Rússlands. Hann segir að HM í Rússlandi sé bak við eyrun á mönnum.
„Ég held að allir séu að hugsa um Rússland, á hverjum einasta degi er maður fókuseraður á Rússland næsta sumar. Maður þarf bara að standa sig með félagsliði sínu og grípa tækifærið þegar maður er með landsliðinu."
Sjáðu viðtalið í heild í sjónvarpinu hér að ofan.
Athugasemdir