Það gekk illa hjá Arsenal að opna vörn Oxford en það tókst loks eftir um klukkutíma leik.
Arsenal fékk þá aukaspyrnu út á kannti sem Fabio Vieira tók. Hann sendi boltann fyrir beint á kollinn á Mohamed Elneny sem skallaði boltann í netið.
Ekki líklegasti markaskorarinn enda var þetta fyrsta mark hans á tímabilinu fyrir félagið.
Eddie Nketiah skoraði annað mark stuttu síðar. Aftur var það Vieira sem lagði upp markið en í þetta sinn átti hann hnitmiðaða stungusendingu á Nketiah sem lék á markvörð Oxford og skoraði í opið markið.
Nketiah gerði svo endanlega út um leikinn með þriðja markinu og öðru marki sínu.
Athugasemdir