Lið og leikmaður 17. umferðar - BBB

Bakvörðurinn ungi Bogdan Bogdanovic átti mjög góðan leik fyrir Breiðhyltinga og var með Kára Sigfússon í vasanum.

Aron Elí Sævarsson fyrirliði Aftureldingar var með stoðsendingu og var maður leiksins í 4-1 sigri gegn Grindavík. Bjartur Bjarmi Barkarson var frábær á miðjunni.

Markvörðurinn Guðmundur Rafn Ingason í Gróttu var maður leiksins í 1-1 jafntefli gegn Þrótti. Hinn afskaplega spennandi Mattías Kjeld skoraði mark Gróttu af vítapunktinum og er í fimmta sinn í úrvalsliðinu.

Njarðvík vann 3-1 sigur á Vestra og styrkti stöðu sína í umspilssætunum. Oumar Diouck skoraði tvö mörk og var maður leiksins. Alexander Helgi Sigurðarson átti frábæran leik á miðjunni en spilar hinsvegar út úr stöðu í vörninni í úrvalsliðinu!

Völsungur vann HK 3-2 í stórskemmtilegum leik þar sem Elfar Árni Aðalsteinsson var enn og aftur hetjan og skoraði sigurmarkið. Tómas Bjarni Baldursson skoraði og lagði upp og þá er Borja Iglesias þjálfari umferðarinnar. Húsvíkingar halda í vonina um að halda sér í deildinni.

Þá er Emil Nói Sigurhjartarson fulltrúi ÍR eftir 3-2 sigur á Ægi. Emil sérhæfir sig í að skora glæsileg mörk og gerði eitt slíkt í leiknum.

View this post on Instagram

A post shared by Lengjudeildin (@lengjudeildin.is)

Fyrri úrvalslið:
16. umferð - Aron Snær Ingason - Þróttur
15. umferð - Elfar Árni Aðalsteinsson - Völsungur
14. umferð - Birkir Eyþórsson - Fylkir
13. umferð - Óðinn Bjarkason - Afturelding
12. umferð - Andri Freyr Jónasson - Grótta
11. umferð - Birkir Már Sævarsson - Afturelding
10. umferð - Edson - Vestri
9. umferð - Elfar Árni Aðalsteinsson - Völsungur
8. umferð - Sigurður Egill Lárusson - Þróttur
7. umferð - Andi Hoti - Afturelding
6. umferð - Jordan Adeyemo - Ægir
5. umferð - Mattías Kjeld - Grótta
4. umferð - Svavar Örn Þórðarson - HK
3. umferð - Ibrahima Balde - Vestri
2. umferð - Kári Sigfússon - Fylkir
1. umferð - Stefán Þór Pálsson - ÍR