Brasilía fékk átta rauð spjöld í vináttulandsleik

Kvennalandslið Bandaríkjanna vann 1-0 sigur gegn Brasilíu í vináttulandsleik í Fortaleza þar sem allt sauð upp úr.

Arthur Elias landsliðsþjálfari Brasilíu og þrír úr starfsliði hans fengu rautt spjald í lok fyrri hálfleiks frá dómaranum Paola Cebollada.

Í lok leiksins fékk framherjinn Bia Zaneratto rautt spjald þegar hún fékk annað gula fyrir að ýta Emily Sonnett. Liðsfélagi hennar Tarciane fékk svo rautt fyrir olnbogaskot.

Eftir leik fengu svo tveir leikmenn til viðbótar rautt fyrir hegðun í garð dómarans og því alls átta rauð spjöld sem fóru á loft til Brasilíu í leiknum.

Óeirðalögregla mætti inn á völlinn til að verja dómarann eftir leik, allt var á suðupunkti en yfir 55 þúsund áhorfendur voru á leiknum.