Fram hafði betur gegn Hamri þegar liðin áttust við í 2. deild kvenna í kvöld. Leikið var í Safamýri.

Eftir markalausan fyrri hálfleik kom Íris Sverrisdóttir gestunum yfir eftir hornspyrnu.

Fram jafnaði þegar Arna Sól Sævarsdóttir skoraði af vítapunktinum og hún var aftur á ferðinni stuttu síðar og aftur var það af vítapunktinum. Lokatölur 2-1 fyrir Fram. Arna setti báðar spyrnurnar á mitt markið.

Fram er áfram á botninum á markatölu, en bæði Fram og Hamar eru með tíu stig núna, rétt eins og Sindri og ÍR.