„Þetta er gríðarlega sterkt lið með frábæra leikmenn en það er kannski ekki eins góð liðsheild. Við höfum oft staðið okkur vel á móti góðum liðum og vonandi gerum við það aftur," segir Birkir Bjarnason, leikmaður íslenska landsliðsins, um leikinn gegn Argentínu á laugardaginn.
„Það er einn maður þarna sem er frábær og getur tekið 4, 5 eða 6 leikmenn á. Kannski ættum við að reyna að stoppa hann sérstaklega. Við reynum að spila okkar leik og vera þéttir, þá eigum við ágætis möguleika."
„Það er einn maður þarna sem er frábær og getur tekið 4, 5 eða 6 leikmenn á. Kannski ættum við að reyna að stoppa hann sérstaklega. Við reynum að spila okkar leik og vera þéttir, þá eigum við ágætis möguleika."
Birkir hefur leikið bæði á miðjunni og á kantinum með íslenska landsliðinu í aðdraganda HM.
„Með félagsliðinu líður mér betur inni á miðjunni. Ég hef alltaf spilað á kantinum hér og líður mjög vel þar. Það er alltaf jafn gaman að spila á miðjunni. Ég spila þar sem er þörf á mér og geri mitt besta," sagði Birkir.
Sjá einnig:
Birkir æfir í dag - Óttaðist fyrst tognun
Hér að ofan má sjá viðtalið í heild sinni.
Athugasemdir