Mynd: Fótbolti.net - Hafliði Breiðfjörð

Grindavík tók á móti Fjölni í fallbaráttu Lengjudeildar kvenna. Sú fallbarátta er nánast búin þar sem Fjölnir og Haukar sitja sem fastast á botni deildarinnar með fjögur stig.

Tinna Hrönn Einarsdóttir tók það af sér að afgreiða Fjölnisstúlkur í dag og skoraði hún bæði mörk Grindavíkur í 2-0 sigri.

Fyrra markið kom á 25. mínútu og það seinna innsiglaði sigurinn á lokakaflanum.

Grindavík er tíu stigum frá fallsvæðinu eftir sigurinn og er Fjölnir sjö stigum frá öruggu sæti. 

Viðureign HK og Hauka er í gangi þessa stundina og má finna textalýsingu á forsíðunni.