Gríska úrvalsdeildin fór af stað í dag og áttu Sverrir Ingi Ingason og félagar í PAOK leik gegn Larissa á heimavelli.
Sverrir var í byrjunarliði heimamanna og lék hann allan leikinn í góðum 1-0 sigri. Sverrir fékk gult spjald eftir 40. mínútna leik.
Það var Christos Tzolis sem gerði eina mark leiksins á 16. mínútu og góð byrjun á mótinu hjá PAOK staðreynd.
Þá lék Sandra María Jessen allan leikinn í sigri Bayer Leverkusen á Duisburg í dag. Leiknum lauk með 2-0 sigri Leverkusen en bæði mörkin komu undir blálokin.
Leverkusen hefur unnið fyrstu tvo leiki sína í þýsku úrvalsdeildinni á þessari leiktíð.
Þá var Bjarni Mark Antonsson ekki í leikmannahópi Brage sem vann 1-0 útisigur á Trelleborgs. Brage er í sjötta sæti deildarinnar með 25 stig.
Athugasemdir
