Albert Guðmundsson.
Fótboltamaðurinn Albert Guðmundsson mætti í Héraðsdóm Reykjavíkur í morgun en hann sætir ákæru fyrir nauðgun. Vísir greinir frá og birtir mynd af Alberti er hannn mætti í dómsal.
Reiknað er með því að aðalmeðferð málsins muni taka tvo daga og mun mikill fjöldi bera vitni.
Reiknað er með því að aðalmeðferð málsins muni taka tvo daga og mun mikill fjöldi bera vitni.
Þinghald er lokað eins og venjan er í kynferðisbrotamálum.
Albert hefur neitað sök í málinu og verjandi hans gerði það sömuleiðis fyrir hönd skjólstæðings síns þegar ákæran var þingfest í héraði 3. júlí í sumar.
Albert hefur ekki verið með íslenska landsliðinu í sumar og ekki í nýliðnu landsliðsverkefni. Á meðan mál hans hefur verið til meðferðar hjá dómstólum hefur Albert ekki verið valinn í landsliðið.
Hann hefur glímt við meiðsli að undanförnu og hefur ekki spilað sinn fyrsta leik með Fiorentina eftir skiptin frá Genoa í sumar.
Athugasemdir
