Tottenham 1 - 1 Fulham
1-0 Harry Kane ('25 )
1-1 Ivan Cavaleiro ('74 )

Síðari leik kvöldins í ensku úrvalsdeildinni var að ljúka en þar áttust við Tottenham Hotspur og Fulham í Lundúndarslag.

Tottenham byrjaði leikinn betur og sótti meira en Alphonse Areola stóð vaktina mjög vel í marki gestanna.

Hann kom þó engum vörnum við á 25. mínútu þegar Harry Kane skoraði. Sergio Reguilon áttu þá gullfallega fyrirgjöf frá vinstri sem rataði beint á kollinn á Kane sem stangaði boltann í netið.

Staðan var 1-0 í hálfleik og átti Heung-Min Son skot í stöngina úr dauðafæri í síðari hálfleik en inn vildi boltinn ekki. Fulham spilaði vel í síðari hálfleiknum og átti sínar sóknir og ein þannig endaði með fallegu marki.

Ademola Lookman, sem kom inn á sem varamaður, átti þá fyrirgjöf frá hægri og Ivan Cavaleiro reis manna hæst og skallaði boltann framhjá Hugo Lloris í markinu og staðan því orðin 1-1.

Sigurinn gat dottið báðu megin í lokin og Tottenham tókst að koma knettinum í netið á 89. mínútu en Son var flaggaður rangstæður í aðdragandanum.

Niðurstaðan því 1-1 jafntefli. Tottenham er í 6. sæti deildarinnar með 30 stig en Fulham er í því 18 með tólf stig.

STUÐNINGSSVEIT
FÓTBOLTA.NET

Tryggjum framtíð Fótbolta.net

Fótbolti.net er eini stóri fjölmiðillinn á Íslandi sem nýtur ekki ríkisstyrkja.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit