Emiliano Martínez, markvörður Aston Villa, gerði sig sekan um neyðarleg mistök strax á 2. mínútu í leik liðsins gegn Liverpool á Villa Park.
Mohamed Salah sótti upp hægri vænginn, lagði boltann inn í teiginn á Harvey Elliott sem reyndi fyrirgjöf.
Boltinn fór af varnarmanni Villa og breytti aðeins um stefnu, en Martínez virtist samt vera með þetta á hreinu. Hann hins vegar missti boltann klaufalega í eigið net.
Sjáðu sjálfsmark Martínez
Það kom ekki að sök því Villa jafnaði tíu mínútum síðar er Youri Tielemans fékk boltann við vítateigslínuna og skoraði með þéttingsföstu skoti neðst í vinstra hornið. Vörn Liverpool alveg úti að aka í jöfnunarmarkinu.
Sjáðu jöfnunarmarkið
Staðan er 1-1 eftir rúmar fimmtán mínútur.
Athugasemdir