Lengjudeild kvenna: HK vann KR í toppbaráttuslag

HK vann sterkan sigur á KR í toppbaráttuslag í Lengjudeild kvenna í kvöld.

Eydís Helgadóttir sá til þess að HK var með forystuna í hálfleik þegar hún skoraði undir lokin.

Íris Grétarsdóttir varð fyrir því óláni að skora sjálfsmark snemma í seinni hálfleik og HK var komið með tveggja marka forystu. Cally Queen Togiai innsiglaði síðan sigur HK stuttu síðar. Koldís María Eymundsdóttir klóraði í bakkann fyrir KR undir lokin.

Þá vann ÍA góðan sigur á Keflavík þar sem Alliyah Monica Rowe innsiglaði sigurinn. KR er í 2. sæti með 23 stig eins og HK sem er í 3. sæti. Liðin eru sex stigum á eftir toppliði Gróttu. ÍA er í 4. sæti með 21 stig og Keflavík er í 7. sæti með 17 stig.