4. deild: Tindastóll náði þriðja sætinu með sigri

Tindastóll og RB áttust við í eina leik dagsins í 4. deildinni og var staðan markalaus í leikhlé.

Heimamenn tóku forystuna á Sauðárkróki þegar Dominic Louis Furness skoraði á 62. mínútu leiksins.

Stólarnir héldu eins marks forystu allt þar til í uppbótartíma, þegar gestirnir úr Reykjanesbæ blésu til sóknar en opnuðu vörnina sína í leiðinni.

Konráð Freyr Sigurðsson nýtti sér það og tryggði sigur Tindastóls á 92. mínútu.

Tindastóll er í þriðja sæti eftir sigurinn, með 11 stig úr 6 umferðum. RB vermir botnsæti deildarinnar með 1 stig eftir 7 leiki.