HM: Rosalegur lokakafli þegar Spánn komst í úrslitaleikinn
Salma Paralluelo átti frábæra innkomu.
Mynd: EPA
Salma Paralluelo átti frábæra innkomu.
Mynd: EPA
Spánn 2 - 1 Svíþjóð
1-0 Salma Paralluelo ('81 )
1-1 Rebecka Blomqvist ('88 )
2-1 Olga Carmona ('90 )
1-0 Salma Paralluelo ('81 )
1-1 Rebecka Blomqvist ('88 )
2-1 Olga Carmona ('90 )
Spánn hefur tryggt sér sæti í úrslitaleik HM kvenna í fyrsta sinn en liðið vann Svíþjóð í undanúrslitaleik þar sem lokakaflinn var magnaður.
Staðan var markalaus eftir fyrri hálfleikinn, spænska liðið var mun meira með boltann en vörn sænska liðsins var þétt og gaf fá færi á sér.
Svíþjóð byrjaði seinni hálfleikinn vel en hin nítján ára gamla Salma Paralluelo kom inn sem varamaður hjá Spáni og Alexia Putellas, sem fann sig ekki, var tekin af velli. Paralluelo var frábær eftir að hafa komið inná og braut ísinn á 81. mínútu, slök hreinsun Jonna Andersson fór beint til Paralluelo sem kláraði laglega.
Svíþjóð náði að jafna þegar varamaðurinn Rebecka Blomqvist skoraði á 87. mínútu og margir bjuggust við framlengingu. En aðeins tveimur mínútum eftir sænska markið skoraði Spánn aftur.
Það var sofandaháttur í sænska liðinu eftir hornspyrnu og Olga Carmona skoraði sitt annað landsliðsmark. Zecira Musovic í marki Svía hefði mögulega átt að gera betur en hún varði boltann í slá og inn.
Svíþjóð fann ekki jöfnunarmark í blálokin og Spánn mun á sunnudaginn leika í úrslitaleiknum, gegn Ástralíu eða Englandi sem mætast klukkan 10 á morgun. Svíþjóð fellur úr leik í undanúrslitum í öðru heimsmeistaramótinu í röð.
Staðan var markalaus eftir fyrri hálfleikinn, spænska liðið var mun meira með boltann en vörn sænska liðsins var þétt og gaf fá færi á sér.
Svíþjóð byrjaði seinni hálfleikinn vel en hin nítján ára gamla Salma Paralluelo kom inn sem varamaður hjá Spáni og Alexia Putellas, sem fann sig ekki, var tekin af velli. Paralluelo var frábær eftir að hafa komið inná og braut ísinn á 81. mínútu, slök hreinsun Jonna Andersson fór beint til Paralluelo sem kláraði laglega.
Svíþjóð náði að jafna þegar varamaðurinn Rebecka Blomqvist skoraði á 87. mínútu og margir bjuggust við framlengingu. En aðeins tveimur mínútum eftir sænska markið skoraði Spánn aftur.
Það var sofandaháttur í sænska liðinu eftir hornspyrnu og Olga Carmona skoraði sitt annað landsliðsmark. Zecira Musovic í marki Svía hefði mögulega átt að gera betur en hún varði boltann í slá og inn.
Svíþjóð fann ekki jöfnunarmark í blálokin og Spánn mun á sunnudaginn leika í úrslitaleiknum, gegn Ástralíu eða Englandi sem mætast klukkan 10 á morgun. Svíþjóð fellur úr leik í undanúrslitum í öðru heimsmeistaramótinu í röð.
Olga Besta Olga!
— RÚV Íþróttir (@ruvithrottir) August 15, 2023
Olga Carmona er að tryggja Spánverjum farseðilinn í úrslitaleikinn með frábæru marki. Sláin inn! pic.twitter.com/nPyGpSB0hL
