Marco Reus kominn til LA Galaxy (Staðfest)
Mynd: EPA
Mynd: EPA
Þýski sóknartengiliðurinn Marco Reus er búinn að skrifa undir tveggja og hálfs árs samning við Los Angeles Galaxy sem leikur í bandarísku MLS deildinni.
Reus kemur á frjálsri sölu eftir að hafa leikið fyrir Borussia Dortmund síðustu 12 ár. Hann er goðsögn hjá félaginu og þá skoraði hann einnig 15 mörk í 48 landsleikjum fyrir Þýskaland.
Þrátt fyrir að hafa verið lykilmaður hjá Dortmund lengi þá tókst Reus aldrei að vinna þýsku deildina eða Meistaradeild Evrópu þrátt fyrir að enda nokkrum sinnum í öðru sæti. Reus vann þýska bikarinn tvisvar sinnum með Dortmund.
Reus er 35 ára gamall og kom að 19 mörkum í 42 leikjum með Dortmund á síðustu leiktíð. Hann hefur því enn upp á margt að bjóða.
Hjá LA Galaxy mun Reus spila samhliða leikmönnum á borð við Riqui Puig og Joseph Paintsil en liðið er á toppi vesturhluta MLS deildarinnar með 49 stig úr 26 umferðum.
Þrátt fyrir að hafa verið lykilmaður hjá Dortmund lengi þá tókst Reus aldrei að vinna þýsku deildina eða Meistaradeild Evrópu þrátt fyrir að enda nokkrum sinnum í öðru sæti. Reus vann þýska bikarinn tvisvar sinnum með Dortmund.
Reus er 35 ára gamall og kom að 19 mörkum í 42 leikjum með Dortmund á síðustu leiktíð. Hann hefur því enn upp á margt að bjóða.
Hjá LA Galaxy mun Reus spila samhliða leikmönnum á borð við Riqui Puig og Joseph Paintsil en liðið er á toppi vesturhluta MLS deildarinnar með 49 stig úr 26 umferðum.
Willkommen, Marco ????????@woodyinho’s first message to the G’s ???? pic.twitter.com/snWQ6qKKow
— LA Galaxy (@LAGalaxy) August 15, 2024
