Sölvi Geir fagnar titlinum á síðasta ári.
Sölvi ásamt Kára Árnasyni
Varnarmaðurinn knái Sölvi Geir Ottesen sem spilar fyrir Djurgården talar um landsliðið, meiðslin og nágrannaslaginn um daginn í Stokkhólmi í viðtali við Sportbladet. Eftir níu mánaða erfið meiðsli gekk Sölvi Geir rakleiðis inn í bestu vörn sænsku úrvalsdeildarinnar.
Sportbladet í Svíþjóð hittu Sölva Geir að máli og ræddu við þennan knáa miðvörð um nágrannaslaginn stóra, deildartitilinn og Zlatan Ibrahimovic: „Zlatan var einn af bestu sóknarmönnum heims áður en hann mætti mér, eftir það hefur hann verið hörmulegur," segir Sölvi Geir meðal annars á léttu nótunum í viðtalinu.
Það var í nóvember á síðasta ári í æfingaleik á móti Väsby sem Sölvi meiddist á hné. Skoðanir leiddu síðan í ljós krossband Sölva Geirs var alvarlega skaðað. Sölvi Geir hefur því á síðustu níu mánuðum verið að vinna sig í form aftur.
Endurkoma Sölva kom fyrr en búist var við. Vegna meiðsla miðvarðarins Toni Kuivasto gekk Sölvi beint inní byrjunarliðið í mikilvægan grannaslag gegn Hammarby.
„Það er frábært að vera kominn til baka. Ég er búinn að vera að bíða eftir þessu lengi. Það gekk hraðar en ég átti von á , eftir meiðsli Toni, að komast í liðið en það var gott fyrir mig að koma inn í þetta svo fljótt."
Djurgården hafa bara hleypt inn 13 mörkum í ár, minnst í allri deildinni og allir ætlast til þess að þú standir þig sem skyldi. Finnur þú fyrir pressunni?
„Vörnin hefur verið góð. En ég held ég geti staðið mig alveg eins vel og Toni, meira segja betur ef út í það er farið. Ég hlakka til að fá að spila meira. Fyrir leikinn gegn Hammarby hafði ég spilað örfáar mínútur í níu mánuði og svo fór ég bara beint inní byrjunarliðið í nágrannaslag. Að sjálfsögðu finn ég fyrir pressunni. En þegar leikurinn byrjar gleymi ég því öllu, það geri ég alltaf."
Nú var athyglin á öðru en leiknum útaf atvikinu á vellinum. En þú leist vel út og varst stöðugur.
„Mér fannst vera nokkrir smáhlutir sem ég þyrfti helst að laga. En ég er þó ánægður með leikinn. Við áttum ekki í neinum vandræðum á móti Hammarby, þeir sköpuðu engin færi. Við gerðum vel en ég held þó áfram að reyna að bæta úr göllum mínum inná vellinum"
Þú fékkst aðeins að spila í rúmar 50 mínútur þangað til stöðva varð leikinn. Pirrandi?
„Aðeins, ég vildi nú spila allan leikinn. En eins og ég segi þá er ég búinn að spila mjög lítið síðustu níu mánuði. Kannski var þetta því bara gott sem gerðist, að leikurinn var bara í 55 mínútur svo ég gæti tekið því rólega," sagði Sölvi og glotti við tönn.
Heldurðu að þú eigir eftir að spila 90 mínútur gegn GAIS?
„ Já, á móti GAIS verða það 90 mínútur og ekkert meira kjaftæði"
Hvað heldurðu um leikinn?
„Ég hef góða tilfinningu fyrir leikinn. Ég vona að lukkudísirnar fari að vinna með okkur. Það hefur ekki gengið sérstaklega vel á þessu leiktímabili en það yrði frábært næðum við að snúa því við núna. Það er betri stemming á æfingum. Það er skemmtilegara og að sama skapi æfum við stífar. Það er vaninn hér hjá Djurgården að á seinni hluta leiktímabilsins gangi betur. Vonandi breytist það ekkert í ár."
Takið þið gullið?
Klárlega. Það eru mörg stig eftir í pottinum og ég held að við séum með besta liðið í Allsvenskunni í dag.
Ísland og Svíþjóð etja kappi í undankeppni Evrópumótsins eftir um það bil mánuð. Verður þú orðinn klár fyrir landsliðið þá?
„Fyrst og fremst hugsa ég um Djurgården og að festa mig í byrjunarliðinu þar. Nái ég að standa mig vel þar verðu landsliðið ekkert mál. Seinast þegar ég var valinn spilaði ég ekki einu sinni fyrir Djurgården.Ég er nú vanur því að spila í Svíþjóð og því vona ég að ég verði valinn í þennan leik."
Þið spiluðuð á móti Svíum í undankeppni HM. En það var mikið talað um frammistöðu þína þar, sérstaklega hvernig þú höndlaðir Zlatan.
„Já, það var góður leikur. Zlatan er jú nú einn af bestu sóknarmönnum heims. Eða hann var það allavegana þangað til hann mætti mér. Eftir það hefur hann verið alveg hörmulegur," sagði Sölvi og hló.
Athugasemdir
