Lengjubikar kvenna: Valskonur með lífsnauðsynlegan sigur - Skoruðu átta mörk

Valur þurfti nauðsynlega á sigri að halda gegn KR í Lengjubikarnum í dag til að halda voninni á lífi að komast í undanúrslitin.

Það tókst svo sannarlega þar sem liðið valtaði yfir KR 8-1. Bryndís Arna Níelsdóttir skoraði þrennu en hún er með sjö mörk í keppninni.

Valur er því með 9 stig í 2. sæti, jafn mörg stig og Þór/KA sem er í sætinu fyrir neðan, tvö efstu liðin fara áfram í undanúrslit en Þór/KA á leik til góða gegn Selfossi sem fram fer á sunnudaginn.

Leikskýrsla KSÍ