Jói Kalli: Gríðarleg reynsla í Víkingsliðinu og bara þetta 'know how'

„Þetta var verðskuldaður sigur Víkinga, ég held að það sé alveg augljóst mál" sagði Jóhannes Karl Guðjónsson þjálfari FH eftir tapið í kvöld. 

„Ég er kannski pínu svekktur með fyrstu tvö mörkin sem að þeir skora og á tímapunktinum sem að Gylfi skorar markið sitt. Það er nátturlega frábærlega gert hjá þeim en við vorum í sókn og töpum boltanum, vinnum hann svo eiginlega aftur og töpum honum aftur"

„Þeir eru náttúrlega hörku flottir á 'transition-inu' og Gylfi sýndi ekkert eðlilega mikinn karakter, vilja og gæði í að vera fyrstur að skila sér þarna á vítapunktinn. Hleypur framhjá tveimur miðjumönnunum hjá mér og kemur sér í þessa stöðu og kemur þeim í 2-1 og það var alveg svolítið högg að vera ekki allavega með 1-1 stöðuna í hálfleik" 

„Þeir eru gott lið og við vissum alveg að það yrði erfitt að halda þeim í skefjum allan leikinn og við náðum því ekki, því miður"

Hver var helsti munurinn á liðunum í kvöld?

„Það er náttúrlega gríðarleg reynsla í Víkingsliðinu og bara þetta 'know how' sem að þeir eru með til þess að vinna leiki" 

„Það er náttúrlega bara gríðarlegur munur á reynslu á þessum tveimur liðum. Við erum með lang yngsta liðið í deildinni, lang yngsta meðalaldurinn og þeir eru með elsta liðið og best mannaða liðið. Þar liggur nátturlega munurinn" sagði Jóhannes Karl Guðjónsson. 

Nánar er rætt við Jóhannes Karl Guðjónsson í spilaranum hér fyrir ofan.