Forseti rúmenska liðsins Steaua Bucharest bannar leikmönnum sínum að láta bólusetja sig við kórónaveirunni.
Steaua Bucharest er eitt af stærstu liðunum í Rúmeníu. Liðið hefur unnið deildina 26 sinnum og bikarinn 24 sinnum og er liðið reglulega þátttakandi í riðlakeppnum í Evrópu.
Viðskiptamaðurinn Gigi Becali er eigandi félagsins en hann hefur lengi vel þótt umdeildur í heimalandinu. Hann rak meðal annars tvo leikmenn frá félaginu í sumar eftir einn slæman leik í Sambandsdeilds Evrópu.
Hann er alltaf litríkur þegar blaðamenn slá á þráðinn og nú hefur hann greint frá því að leikmenn liðsins megi ekki fara í bólusetningu við kórónaveirunni.
„Ef ég væri með byssu á borðinu við hliðina á bóluefninu þá myndi ég frekar skjóta mig í hausinn. Enginn hjá Steaua fær bólusetningu," sagði Becali.
Athugasemdir