5. deild: Þægilegt fyrir Stokkseyri

Elfar Ísak Halldórsson náði forystunni fyrir heimamenn á Stokkseyri en Maciej Maliszewski var fljótur að jafna fyrir gestina.

Stokkseyringar skiptu þá um gír og bættu tveimur mörkum við fyrir leikhlé, áður en Arilíus Óskarsson og Steinar Aron Magnússon innsigluðu þægilegan 5-1 sigur í seinni hálfleik.

Stokkseyri er öruggt í 2. sæti B-riðils, með 27 stig eftir 13 umferðir, og mætir annað hvort Smára eða Skallagrími í undanúrslitum 5. deildar.

Í A-riðli gerðu Þorlákur og SR átta marka jafntefli. SR náði forystunni í fyrri hálfleik en svo voru þrjú mörk skoruð á innan við þriggja mínútna kafla samkvæmt óstaðfestri leikskýrslu KSÍ.

Þorlákur náði forystunni í þrígang en alltaf tókst Skautafélaginu að jafna, svo lokatölur urðu 4-4.

Hvorki Þorlákur né SR átti möguleika á að komast í úrslitakeppnina fyrir upphafsflautið í kvöld. SR er með 23 stig eftir 13 umferðir, sjö stigum fyrir ofan Þorlák.

Stokkseyri 5 - 1 KM
1-0 Elfar Ísak Halldórsson ('17 )
1-1 Maciej Wladyslaw Maliszewski ('22 )
2-1 Sindri Þór Arnarson ('23 )
3-1 Steinar Aron Magnússon ('45+3 )
4-1 Arilíus Óskarsson ('66 )
5-1 Steinar Aron Magnússon ('93)

Þorlákur 4 - 4 SR
0-1 Gabríel Geir Ingvarsson ('15 )
1-1 Luis Alberto Rodriguez Quintero ('31 )
2-1 Luis Alberto Rodriguez Quintero ('32 )
2-2 Þorgrímur Hafliðason ('33 )
3-2 Karl Viðar Magnússon ('57 )
3-3 Eyþór Blær Guðlaugsson ('63 )
4-3 Magnús Andri Ólafsson ('76 )
4-4 Alexander Máni Jónsson ('95)