Úr leiknum í kvöld.
„Þetta er grátlegt, maður er hundfúll," sagði Eiður Aron Sigurbjörnsson varnarmaður Vals eftir 3-1 tap gegn Rosenborg í Meistaradeildinni í kvöld. Í stöðunni 2-1 var Valur áfram en fékk á sig víti í uppbótartíma.
Lestu um leikinn: Rosenborg 3 - 1 Valur
„Þetta var aldrei víti, við vorum að fara áfram og tvær mínútur áfram en dómarinn var ekki klár í það. Þetta var voðalega skrítið dæmi. Ég vil segja hluti sem er ekki sniðugt að segja."
Dómarinn búlgarski dæmdi þrjú glórulaus víti í leiknum og Valur virtist vera að landa sigri þegar síðasti vítadómurinn féll.
„Það er alltaf erfitt að sofna eftir leiki og hvað þá eftir svona. Við erum tveimur mínútum frá því að mæta Celtic sem allir vilja gera, en það verður Andorra," sagði Eiður en viðtalið má sjá hér að ofan.
Athugasemdir
