Hlynur Atli áfram hjá Fram á næsta ári

Hlynur Atli, sem er fæddur 1990, er uppalinn hjá Fram og hefur spilað 272 leiki fyrir félagið, sem gerir hann að 10. leikjahæsta leikmanni í sögu meistaraflokks karla - ásamt Viðari Þorkelssyni.

Hlynur hefur þó ekki verið hjá Fram allan ferilinn því hann lék með Þór í efstu deild 2013 og 2014 en sneri svo aftur til Fram.

Hlynur spilaði 14 leiki í Bestu deildinni í sumar er Fram bjargaði sér frá falli með 27 stig úr 27 umferðum.