Brasilíumaðurinn Richarlison er ekki búinn að gleyma uppruna sínum.
Richarlison er fótboltamaður sem hefur náð góðum árangri hingað til á ferli sínum. Hann leikur með Everton í ensku úrvalsdeildinni og brasilíska landsliðinu. Hann ólst ekki upp við frábærar aðstæður í Brasilíu en hefur komist langt þrátt fyrir það.
Hinn 22 ára gamli Richarlison hefur verið í heimalandi sínu í sumar þar sem hann spilaði í Suður-Ameríku bikarnum, keppni sem Brasilía vann í fyrsta skipti í 12 ár.
Hann fékk frí eftir keppnina og notaði tímann til að hjálpa til við góðgerðarleik í Nova Venecia, heimabæ sínum.
Richarlison birti mynd á Instagram þar sem hann sýndi árangurinn. Það safnaðist 6,4 tonn af mat fyrir fjölskyldur sem þurfa á aðstoð að halda.
„Ef það er möguleiki á því að skipta örlitlu máli í lífi einhvers, ekki hugsa þig tvisvar um," skrifaði Richarlison.
Myndin er hér að neðan.
Athugasemdir