Birkir gerði á dögunum þriggja mánaða samning við lærisveina Heimis Hallgrímssonar í Al Arabi. Hann kemur inn í liðið fyrir Aron Einar Gunnarsson sem er meiddur.

Birkir, sem hefur fengið númerið 67 hjá Al-Arabi, var í byrjunarliðinu í dag og lék allan leikinn. Hann fékk ekki draumabyrjun því Al Arabi tapaði leiknum 1-0.

Al-Gharafa komst yfir snemma í seinni hálfleiknum og það dugði til sigurs.

Al Arabi er í fjórða sæti með 13 stig eftir sex leik; fjórir sigrar, eitt jafntefli og eitt tap.