| mán 21. september 2020 19:26 |
|
England: Aston Villa lagði tíu leikmenn Sheffield United
Ezri Konsa skoraði sigurmark Villa gegn Sheffield United
0-0 John Lundstram ('36 , Misnotað víti)
1-0 Ezri Konsa ('63 )
Rautt spjald: John Egan, Sheffield Utd ('12)
Aston Villa lagði Sheffield United að velli, 1-0, í ensku úrvalsdeildinni í kvöld en það var Ezri Konsa sem gerði sigurmarkið þegar um það bil hálftími var eftir.
Heimamenn byrjuðu leikinn af krafti og ógnuðu á fyrstu mínútu og var verkefnið erfiðara er John Egan fékk að líta beint rautt spjald á 12. mínútu.
Tyrone Mings átti þá langa sendingu fram völlinn og var Ollie Watkins í baráttunni við Egan sem braut óþarflega af sér með því að toga í Watkins og fékk hann rautt spjald fyrir vikið.
Sheffield United fékk vítaspyrnu á 32. mínútu er Matt Targett braut á Chris Basham innan teigs. John Lundstram fór á punktinn en Emiliano Martinez varði vítið. Frábær byrjun hjá Martinez sem kom til Villa frá Arsenal á dögunum.
Ezri Konsa kom Villa yfir á 63. mínútu. Targett átti hornspyrnu á Mings sem skallaði hann á Konsa og átti leikmaðurinn ekki í vandræðum með að koma boltanum í netið.
Fyrsti sigur Villa staðreynd í dag gegn Sheffield United sem hefur tapað báðum leikjum sínum í deildinni.
We love him already. 💜
— Aston Villa (@AVFCOfficial) September 21, 2020
What a debut, @EmiMartinezz1! 😍 pic.twitter.com/hdfKMcprqT
Athugasemdir
Nýjustu fréttirnar
