Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   mán 23. nóvember 2020 12:22
Magnús Már Einarsson
Dagný Brynjars og Svava Rós á leið í Val
Dagný í leik með Selfossi í sumar.
Dagný í leik með Selfossi í sumar.
Mynd: Fótbolti.net - Hafliði Breiðfjörð
Landsliðskonurnar Dagný Brynjarsdóttir og Svava Rós Guðmundsdóttir eru á leið í Val en þetta kemur fram í Dr. Football í dag.

Hin 29 ára gamla Dagný kom heim úr atvinnumennsku fyrir síðasta tímabil og spilaði með Selfyssingum í sumar. Dagný skoraði fimm mörk í þrettán leikjum þegar Selfoss endaði í 4. sæti í Pepsi Max-deildinni.

„Dagný hefur ekki verið nógu sátt í Selfossi. Henni finnst hún ekki hafa verið að spila sína stöðu. Hún vill vera nær markinu. Hún vill vera meira inn í boxinu því hún telur sig geta skorað fleiri mörk," sagði Hrafnkell Freyr Ágústsson í Dr. Football.

Dagný, sem er miðjumaður, verður ekki með íslenska landsliðinu í komandi leikjum gegn Ungverjalandi og Slóveníu vegna meiðsla.

Svava Rós er að koma til Vals frá Kristianstad í Svíþjóð. Svava er uppalin hjá Val og hóf meistaraflokksferil sinn þar. Svava fór út í atvinnumennsku eftir sumarið 2017 en hún lék áður með Breiðabliki. Samkvæmt Dr. Football er Hlín Eiríksdóttir líklega á leið út í atvinnumennsku og mun Svava fylla skarð hennar á kantinum hjá Val.

Landsliðskonan Hallbera Gísladóttir er einnig á förum frá Val til Svíþjóðar en Mary Alice Vignola kemur frá Þrótti til að fylla skarð hennar í vinstri bakverðinum. Þá kom Anna Rakel Pétursdóttir til Vals frá sænska félaginu Uppsala á dögunum.
Athugasemdir
banner
banner
banner
banner