Rangers er að leita að nýjum stjóra og efstur á óskalistanum er Michael Beale.
Mirror og aðrir fjölmiðlar á Bretlandseyjum eru með heimildir fyrir þessu.
Mirror og aðrir fjölmiðlar á Bretlandseyjum eru með heimildir fyrir þessu.
Giovanni van Bronckhorst var á dögunum rekinn eftir eitt ár sem stjóri hjá félaginu. Rangers er níu stigum á eftir toppliði Celtic í titilbaráttunni í Skotlandi.
Hinn 42 ára gamli Beale var aðstoðarstjóri Steven Gerrard hjá Rangers í þrjú ár. Hann hjálpaði liðinu að verða skoskur meistari.
Beale tók við QPR í ensku Championship-deildinni fyrir þessa leiktíð og hefur náð eftirtektarverðum árangri. Aston Villa og Úlfarnir höfðu áhuga á því að ráða hann en hann neitaði þeirra boðum af tryggð við verefnið hjá QPR.
Hvað gerir hann núna þegar Rangers hringir?
Athugasemdir
