Brynjar á erfitt með að tala „eftir að hann var kýldur"

Eyjólfur Héðinsson byrjar líklega í hjarta varnarinnar hjá Stjörnunni í staðinn fyrir hann.

Þorvaldur Örlygsson, þjálfari Stjörnunnar, var í viðtali við Stöð 2 Sport fyrir leikinn þar sem hann sagði að Brynjar Gauti gæti ekki spilað þar sem hann var kýldur í síðasta leik gegn Leikni.

„Brynjar er frá eftir að hann var kýldur af Mána Austmann í síðasta leik. Hann fékk á hálsinn og á mjög erfitt með að tala. Hann getur ekki spilað," sagði Þorvaldur.

Í textalýsingu frá leik Leiknis og Stjörnunnar skrifaði Sæbjörn Þór Steinke: „Fór í Brynjar Gauta sem liggur eftir. Stjörnumenn vilja fá meira en bara gult. Brynjar fær aðhlynningu. Þetta var greinilega vont. Sýndist Máni fara í hálsinn eða ofarlega í brjóstkassann."

Textalýsingar kvöldsins:
19:15 HK - Valur
19:15 Keflavík - Breiðablik
19:15 Víkingur R. - Stjarnan