Ítalska stórveldið Juventus er að endurbyggja liðið sitt í sumar og vinnur nú að því að losa tvo miðjumenn til að lækka launakostnað og gera pláss fyrir nýjan leikmann.
Brasilíski miðjumaðurinn Arthur er til sölu ásamt hinum velska Aaron Ramsey. Arthur, 25 ára, á þrjú ár eftir af samningnum sínum en Ramsey er aðeins með eitt ár eftir.
Valencia hefur mikinn áhuga á Arthur og er að reyna að fá hann á lánssamningi með kaupmöguleika.
Það eru ekki mörg áhugasöm félög þegar kemur að hinum ofurlaunaða Ramsey. Félagið er í viðræðum við hann um starfslok og ljóst að miðjumaðurinn þarf að taka á sig verulega launalækkun hjá næsta félagi.
Juve ætlar að festa kaup á Leandro Paredes, argentínskum miðjumanni PSG, til að fylla í skarðið.
Athugasemdir