Brynjar Björn Gunnarsson þjálfari HK var svekktur eftir tap HK gegn Grindavík á Fótbolta.net mótinu í kvöld en er ánægður með frammistöðu liðsins á mótinu.
„Það var ekkert mikið á milli liðanna í færum en Grindvíkingarnir voru ívið sterkari úti á vellinum og við vorum svolítið skrefinu á eftir," sagði Brynjar eftir leik.
HK-ingum hefði nægt jafntefli til að komast í úrslitaleik mótsins en Brynjar segir að þeir hafi aldrei náð að setja almennilega pressu á Grindavík.
„Við skoruðum fyrsta markið seint. Við skoruðum reyndar mark sem leit út fyrir að vera löglegt frá mínu sjónarhorni. Ég veit ekki hvernig það leit út fyrir línuverðinum."
Brynjar segist ánægður með hvernig liðið líti út eftir fyrstu undirbúningsleikina.
„Við erum búnir að spila vel og erum mátulega skynsamir miðað við árstíma. Við höfum dreift álaginu vel og allir fengið sín tækifæri."
Viðtalið við Brynjar má sjá í heild sinni í spilaranum að ofan.
Athugasemdir
