Guðni Bergsson.
„Menn eru staðráðnir í að selja sig dýrt í þennan síðasta leik í riðlinum. Dagsskipunin er að spila til sigurs og ég finn mikinn hug í strákunum. Það eru allir staðráðnir í að gera sitt allra besta," segir Guðni Bergsson, formaður KSÍ, um leikinn gegn Króatíu í kvöld.
Ísland vann Króatíu 1-0 fyrir ári síðan og endaði á toppi riðilsins í undankeppni HM.
„Þetta er lið sem við þekkjum vel. Við unnum þá síðast og við ætlum að vinna þá aftur," sagði Guðni en íslenska liðið hefur vakið mikla athygli á HM.
„Við erum með vinsælt lið. VIð stöndum fyrir margt gott í fótboltanum og fólk er að hrífast með úti um allan heim. Við erum auðmjúk og þakklát. Við viljum sýna hvað við erum góðir og ná í þrjú stig í kvöld."
Hér að ofan má sjá viðtalið í heild sinni en þar ræðir Guðni meðal annars króatíska liðið, Rússland, HM og fleira.
Athugasemdir
