Hinn 39 ára gamli Zlatan Ibrahimovic er kominn með fjögur mörk í fyrstu tveimur deildarleikjunum. Hann skoraði öll mörk Milan í sigrum gegn Bologna og Inter.
AC Milan hefur farið feykilega vel af stað undir stjórn Stefano Pioli og trónir á toppi Serie A með fullt hús stiga eftir fjórar umferðir, með leik til góða á næstu lið.
Í dag er þó ansi þung þraut framundan þar sem AS Roma mætir í heimsókn. Þetta verður þriðji leikur Milan á rúmri viku en liðið lagði Inter að velli um síðustu helgi og Celtic í vikunni.
Svipaða sögu er að segja af Roma sem er búið að sigra gegn Benevento og Young Boys á síðustu dögum. Rómverjar hafa þó ekki farið jafn vel af stað í deildinni en þar eru þeir með sjö stig eftir fjórar umferðir. Þeir voru klaufar að fá dæmt tap í fyrstu umferð gegn Verona fyrir að mæta til leiks með óskráðan leikmann, miðjumanninn Amadou Diawara sem var í kjölfarið skráður hið snarasta. Leiknum lauk með markalausu jafntefli en þau úrslit fá ekki að standa.
Leikur kvöldsins verður afar áhugaverður þar sem Zlatan Ibrahimovic og Edin Dzeko munu mætast. Bæði lið eru að glíma við lítið magn meiðsla, heimamenn í Mílanó eru án Ante Rebic, Mateo Musacchio og Matteo Gabbia. Þá er Hakan Calhanoglu, einn af þeirra stjörnuleikmönnum, tæpur.
Roma verður án Diawara, Chris Smalling og Nicolo Zaniolo. Javier Pastore er tæpur.
Leikur kvöldsins:
19:45 AC Milan - Roma (Stöð 2 Sport 2)
Stöðutaflan
Ítalía
Serie A - karlar
L | U | J | T | ms: | mf: | mun | Stig | ||
---|---|---|---|---|---|---|---|---|---|
1 | Inter | 33 | 27 | 5 | 1 | 79 | 18 | +61 | 86 |
2 | Milan | 33 | 21 | 6 | 6 | 64 | 39 | +25 | 69 |
3 | Juventus | 33 | 18 | 10 | 5 | 47 | 26 | +21 | 64 |
4 | Bologna | 33 | 17 | 11 | 5 | 48 | 26 | +22 | 62 |
5 | Roma | 32 | 16 | 7 | 9 | 57 | 38 | +19 | 55 |
6 | Atalanta | 32 | 16 | 6 | 10 | 59 | 37 | +22 | 54 |
7 | Lazio | 33 | 16 | 4 | 13 | 42 | 35 | +7 | 52 |
8 | Napoli | 33 | 13 | 10 | 10 | 50 | 41 | +9 | 49 |
9 | Fiorentina | 32 | 13 | 8 | 11 | 45 | 36 | +9 | 47 |
10 | Torino | 33 | 11 | 13 | 9 | 31 | 29 | +2 | 46 |
11 | Monza | 33 | 11 | 10 | 12 | 35 | 43 | -8 | 43 |
12 | Genoa | 33 | 9 | 12 | 12 | 35 | 40 | -5 | 39 |
13 | Lecce | 33 | 8 | 11 | 14 | 30 | 48 | -18 | 35 |
14 | Cagliari | 33 | 7 | 11 | 15 | 36 | 56 | -20 | 32 |
15 | Verona | 33 | 7 | 10 | 16 | 31 | 44 | -13 | 31 |
16 | Empoli | 33 | 8 | 7 | 18 | 26 | 48 | -22 | 31 |
17 | Udinese | 32 | 4 | 16 | 12 | 30 | 48 | -18 | 28 |
18 | Frosinone | 33 | 6 | 10 | 17 | 40 | 63 | -23 | 28 |
19 | Sassuolo | 33 | 6 | 8 | 19 | 39 | 65 | -26 | 26 |
20 | Salernitana | 33 | 2 | 9 | 22 | 26 | 70 | -44 | 15 |
Athugasemdir