Norski sóknarmaðurinn Erling Braut Haaland var í ham í 6-2 sigri Manchester City á Luton í 5. umferð ensku bikarkeppninnar í kvöld, en gerði sér lítið fyrir og skoraði fimm mörk.
Haaland var kominn með þrennu í hálfleik en Luton beit frá sér í þeim síðari og minnkaði muninn í 3-2.
Norðmaðurinn ákvað þá að ganga frá leiknum á þremur mínútum með tveimur mörkum til viðbótar áður en Mateo Kovacic rak síðasta naglann í kistu Luton.
Kevin de Bruyne, sem hefur byrjað á bekknum hjá Man City í undanförnum leikjum, lagði upp fjögur af fimm mörkum Haaland í leiknum.
Hægt er að sjá allt það helsta úr leiknum í myndbandinu hér fyrir neðan.
Athugasemdir
