Það hefur verið fjallað um áhuga HK á Þorsteini Aroni Antonssyni í vetur en HK hefur að minnsta kosti í tvígang reynt að fá miðvörðinn frá Val í vetur. Þorsteinn Aron lék með HK á láni síðasta sumar og var ánægja með hann í Kórnum.
Samkvæmt heimildum Fótbolta.net hafa félög í efstu deild áhuga á miðverðinum efnilega. Þar á meðal eru FH og ÍA en Fótbolti.net hefur heyrt af því að fleiri félög hafi augastað á kappanum.
Samkvæmt heimildum Fótbolta.net hafa félög í efstu deild áhuga á miðverðinum efnilega. Þar á meðal eru FH og ÍA en Fótbolti.net hefur heyrt af því að fleiri félög hafi augastað á kappanum.
Þorsteinn Aron er fæddur árið 2004 og lék með U21 landsliðinu gegn Póllandi í nóvember. Hann er uppalinn á Selfossi, var á sínum tíma á mála hjá Fulham á Englandi og hefur einnig verið hjá Stjörnunni. Fyrir tímabilið 2024 yfirgaf hann Selfoss og samdi við Val.
Hann skoraði þrjú mörk í 22 leikum á síðustu leiktíð en öll mörkin komu í eins marks sigrum á Fram.
Athugasemdir
