Palace bíður eftir svari frá Iraola

Andoni Iraola sem er að hætta hjá Bournemouth er maðurinn sem Palace vill helst fá og félagið bíður eftir því að fá svar frá honum. BBC segir að félagið vilji fá svar núna í lok vikunnar.

Palace telur sig hafa gert allt til að sannfæra Iraola um að þeir geti gefið honum umgjörð til að halda áfram að byggja upp orðspor sitt.

Ef Iraola segir nei verða aðrir kostir skoðaðir, þar á meðal Frank Lampard sem á aðdáendur innan stjórnar Palace. Það gæti þó reynst erfitt að losa Lampard undan samningi við Coventry en hann kom liðinu upp í úrvalsdeildina.

Kieran McKenna, Pierre Sage, Sean Dyche og Thomas Frank eru einnig sagðir mögulegir kostir.