Jón Þór Hauksson
„Þessi var mjög sætur. Þetta var baráttusigur liðsheildarinnar og mér fannst við sýna gríðarlegan karakter hérna.“
Sagði Jón Þór Hauksson þjálfari ÍA um sigur liðsins gegn Keflavík á HS Orkuvellinum í Keflavík fyrr í kvöld þar sem Skagamenn tengdu saman sigra í fyrsta sinn á tímabilinu og hleypa alvöru spennu í botnbaráttu Bestu deildarinnar þegar stutt er í skiptingu hennar.
Sagði Jón Þór Hauksson þjálfari ÍA um sigur liðsins gegn Keflavík á HS Orkuvellinum í Keflavík fyrr í kvöld þar sem Skagamenn tengdu saman sigra í fyrsta sinn á tímabilinu og hleypa alvöru spennu í botnbaráttu Bestu deildarinnar þegar stutt er í skiptingu hennar.
Lestu um leikinn: Keflavík 0 - 1 ÍA
Leikurinn einkenndist fyrst og fremst af harðri baráttu frekar en knattspyrnulegum gæðum. Var það uppleggið að mæta til leiks og láta hart mæta hörðu?
„Við vissum það að þegar þú kemur til Keflavíkur þá þarftu að hafa þessi gildi í lagi. Það kemur engin hingað og fer með sigur af hólmi án þess að vinna virkilega fyrir því og þurfa að leggja hart að sér.“
Sigurinn er líkt og áður segir sá annar sem ÍA sækir í röð en fyrir sigurinn gegn ÍBV á dögunum vann liðið síðast leik gegn Víkingum á Akranesi þann 24.apríl síðastliðinn. Þetta hlýtur að vera léttir fyrir liðið?
„Já þetta var erfitt og langt tímabil sem við fórum í gegnum en strákarnir eiga auðvitað bara hrós skilið að þeir gáfu bara í og það er fyrst og fremst það sem er að gefa núna. Þú kemur ekkert hingað og vinnur svona sigur án þess að trúa á verkefnið og það hafa þeir gert gríðarlega vel. “
Sagði Jón Þór en allt viðtalið við hann má sjá hér að ofan.
Athugasemdir
