Bandaríski markmaðurinn Monica Elizabeth Wilhelm er búin að semja við sænska félagið Eskilstuna. Monica hefur spilað með Tindastóli síðustu tvö ár í Bestu deildinni og staðið sig vel.
Hún var einu sinni leikmaður umferðarinnar og fjórum sinnum í liði umferðarinnar tímabilið 2023 og einu sinni í liði umferðarinnar á síðasta tímabili. Monica verður 25 ára í febrúar en hún kom á Sauðárkrók eftir að hafa spilað með háskólaliði í Iowa þar á undan.
Hún var einu sinni leikmaður umferðarinnar og fjórum sinnum í liði umferðarinnar tímabilið 2023 og einu sinni í liði umferðarinnar á síðasta tímabili. Monica verður 25 ára í febrúar en hún kom á Sauðárkrók eftir að hafa spilað með háskólaliði í Iowa þar á undan.
Eskilstuna er í næstefstu deild Svíþjóðar og segir þjálfari liðsins að eftir komu Monicu og annars markvarðar (Tea Lundmark) sé liðið með besta markvarðadúó í deildinni.
„Ég er spennt að koma í lið með mikla ástríðu og metnað til að verða best. Ég held að við getum gert frábæra hluti á þessu ári og ég get ekki beðið eftir að vera hluti af því," sagði Monica við undirskrift.
Athugasemdir
