29.11.20 - 16:30
Ívan Guðjón Baldursson
Solskjær sáttur með De Gea: Óstöðvandi aukaspyrna
Mynd: Getty Images
Mynd: Getty Images
Manchester United náði frábærum endurkomusigri gegn Southampton í dag eftir að hafa verið 2-0 undir í leikhlé.
Ole Gunnar solskjær gerði tvöfalda skiptingu í leikhlé þar sem Dean Henderson tók stöðu David de Gea á milli stanganna. De Gea fór meiddur af velli eftir að hafa gerst sekur um mistök í öðru marki Southampton.
Edinson Cavani kom einnig inn fyrir Mason Greenwood og gerði hann gæfumuninn þar sem hann lagði upp eitt og skoraði tvö til að fullkomna 2-3 endurkomusigur.
„Vonandi verður De Gea klár fyrir miðvikudaginn en ég er ekki viss. Dean fyllti vel í skarðið. Við vorum ekki nógu góðir í fyrri hálfleik en seinni hálfleikurinn var mun betri. Ég var stoltur í stöðunni 2-2 og það var frábært að fá sigurmark," sagði Solskjær.
„Ég var rólegur í leikhlé, við forgangsröðuðum að fá ekki annað mark á okkur og skora næsta mark. Þetta var opinn leikur þannig við vissum að það yrðu mörk, við fengum fimm eða sex dauðafæri í leiknum og þetta snerist um að nýta þau.
„Edinson var frábær, hann er alltaf á hreyfingu og ég er mjög hrifinn af honum. Hann hefur verið frábær í búningsklefanum og á æfingum, hann er gríðarlega mikilvægur fyrir leikmannahópinn."
Solskjær kom De Gea til varnar en Spánverjinn var gagnrýndur fyrir að hleypa aukaspyrnu James Ward-Prowse í netið á 33. mínútu.
„Hvernig get ég verið svekktur? James Ward-Prowse er mikill gæðaleikmaður og það er ekki hægt að stöðva þessar aukaspyrnur. Ég get ekki kennt neinum um, ég get bara hrósað James."
Edinson Cavani kom einnig inn fyrir Mason Greenwood og gerði hann gæfumuninn þar sem hann lagði upp eitt og skoraði tvö til að fullkomna 2-3 endurkomusigur.
„Vonandi verður De Gea klár fyrir miðvikudaginn en ég er ekki viss. Dean fyllti vel í skarðið. Við vorum ekki nógu góðir í fyrri hálfleik en seinni hálfleikurinn var mun betri. Ég var stoltur í stöðunni 2-2 og það var frábært að fá sigurmark," sagði Solskjær.
„Ég var rólegur í leikhlé, við forgangsröðuðum að fá ekki annað mark á okkur og skora næsta mark. Þetta var opinn leikur þannig við vissum að það yrðu mörk, við fengum fimm eða sex dauðafæri í leiknum og þetta snerist um að nýta þau.
„Edinson var frábær, hann er alltaf á hreyfingu og ég er mjög hrifinn af honum. Hann hefur verið frábær í búningsklefanum og á æfingum, hann er gríðarlega mikilvægur fyrir leikmannahópinn."
Solskjær kom De Gea til varnar en Spánverjinn var gagnrýndur fyrir að hleypa aukaspyrnu James Ward-Prowse í netið á 33. mínútu.
„Hvernig get ég verið svekktur? James Ward-Prowse er mikill gæðaleikmaður og það er ekki hægt að stöðva þessar aukaspyrnur. Ég get ekki kennt neinum um, ég get bara hrósað James."
