Marokkóski sóknartengiliðurinn Hakim Ziyech er búinn að skrifa undir samning við Al-Duhail í Katar eftir að hafa fengið að rifta við Galatasaray í Tyrklandi.
Ziyech kemur á frjálsri sölu eftir eitt og hálft ár með Galatasaray, en þar áður lék hann með Chelsea í enska boltanum.
Ziyech, sem verður 32 ára í mars, skoraði 8 mörk í 23 leikjum á sínu fyrsta tímabili með Galatasaray en missti byrjunarliðssætið sitt í haust.
29.01.2025 06:00
Ziyech á leið til Katar - Hraunaði yfir stjórann
Ekki er greint frá samningslengd en talið er að Ziyech geri aðeins sex mánaða samning við Al-Duhail og verður hann því falur á frjálsri sölu næsta sumar.
Ziyech er fyrirliði marokkóska landsliðsins og gæti snúið aftur í evrópska boltann á næstu leiktíð.
Al-Nasr í Dúbaí reyndi einnig að krækja í Ziyech en leikmaðurinn kaus að fara frekar til Katar.
Luis Alberto, fyrrum leikmaður Lazio og Liverpool, er stjörnuleikmaðurinn í Al-Duhail sem stendur.
9??3?? ???? pic.twitter.com/1YzIVl6hDi
— ???? ?????? ALDUHAIL (@DuhailSC) January 30, 2025
Athugasemdir
